السلام عليكم ورحمة الله وبركاته


خخـآطرة راقت لي وقريبة لقلبي

وأتمنى تعجبكم





واذا يعني تضايقنا ؟!
تغير شيء ؟؟

واذا مات الزهر بأجمل حدايقنا !!
تغير شيء ؟؟

واذا بهدومنا ضقنا !!
تغير شيء ؟؟

كثير نمر بضيقة بال ..

زعل صاحب !!

وحاجة مال !!

نزعل حيل ونتضايق !!

واذا يعني تضايقنا . .
هي الضيقة بتكون الحل؟

كثير من التعب ذقنا

وسهرنا الليل !.
وبكينا سيل !!

لين الدمع غرقنا ,,

احد ضايق لفراق خلان !!

احد ضايق ,, عشر سنين متزوج

وربك ما رزقه عيال!

احد ضايق لانه حبها بخبال !

احد ضايق لانه ما معاه ريال !

هموم اكثر من اللازم .. وتخنقنا !

سؤال الحال (واذا يعني تضايقنا ...........؟!

من (اللا شيء)

(الى اللا شيء)

(على اللاشيء)


تخانقنا !

ودخلنا في نوايا الناس..


اظن فلان يقصدني !

اظن البنت لعّابة !

اظن فلان مو صاادق !

واذا يعني تضايقنا !؟

واذا راحوا وخلونا !؟

واذا ضقنا !!

وصار الحرف حبل في مشانقنا ..

اذا الزمن فيوم لبسك ثوب مو قدك ..

بتحط ايدك على خدك وتبكي حيل؟

اذا هذا البحر ضيق ولا يقدر على مدك ..

بتحط ايدك على خدك وتبكي حيل؟

اذا كل الجمر هذا عجز يصنع عطر ندك

بتحط ايدك على خدك وتبكي حيل؟

عشان اشياء هي اتفه من الاتفه ؟؟

واذا يعني تضايقنا؟

ومشوا عنا كثير اصحاب

وتفارقنا

كثير اشياء تزهقنا

راح يهم الناس ؟

بيخلي احد بارد يفيض احساس؟

بتصنع هذي الضيقة

علاقة حب ما بين الحطب والفاس؟

ولا به شخص ف الدنيا تهمه ضحكتك غيرك؟

لذا اضحك

ولا ترمي بذور الشر في خيرك

كثير اشياء من الاجمل . .
تحاول دوم تسرقنا

لذا اضحك

وقول بحب :

واذا يعني تضايقنا, بهدوء اكثر !!

واذا يعني تضايقت؟

وقلت في حزن مزمن

احس الوقت مو وقتي !؟

احس اني تعبت اكثر من همومي ..

قول لطيحتك : قومي ..

تعبت كثير تلوم النفس !!

ولا احد بحزنك حس !!

واذا يلمح احد تقصير ..

كذا من غير ما نقصد ..

هنا تنصب مشانقنا !!.

وإذا يعني تضايقنا
يجي بكرا يضحكنا . .


دمتم بود . .