منتديات نجوم القنفذة

صالح يا حيّه ويا حي طرياه
**
القصيدة الآتية قصيدة ثناء ومدح للشاعر/ عبد الاله خالد الخالدي
يمدح بها صديقه وزميله بالماضي/ صالح نافل الحربي:
كسب النعم عند الرياجيل كايد = ما كل رجلٍ يبي النعم يلقاه
يستاهله قرمٍ وطيبه عوايد = اللي على الطالات ياصل بيمناه
اللي يبيّن موقفه فالشدايد = ومجملٍ ربعه بفعله ومسعاه
هذاك أبو نافل وسيع البنايد = صالح يا حيّه ويا حي طرياه
ولو ان حقه ينحصر فالقصايد = كتبت كل اللي تبي تكسب ارضاه
لكن عسى عمره سنينٍ مدايد = اللي زها بالنعم والنعم يزهاه
شعر/ عبد الاله خالد الخالدي
**
**
مشكور يا راع الوفاء عبد الالاه
**
رد الشاعر/ صالح نافل الحربي، على قصيدة الشاعر/ عبد الاله خالد الخالدي
السابقة:
أهلا بخط اللي بعث لي فرايد = الشاعراللي تنظم الجزل يمناه
عبد الاله اللي بعث لي نشايد = مشكور يا راع الوفاء عبد الالاه
تسلم يمينك يا عريب البدايد = يا طيبٍ من طيب ربعه ومرباه

صديقي الطيب بوقت الشدايد = بعلوم طيبٍ بيننا ترضي اللاه
حسب تقاليد العرب والعوايد = اللي عليها الشخص تحمد سجاياه
خابت يمين اللي عليها ايحايد = اللي عن الطولات تقصر نواياه
ناسٍ بها المعروف والطيب فايد = وناسٍ على شين الطبايع مضراه
يفداك من فعله حقير ومكايد = اللي على الجيران يشعب مطاياه
طبعه ردي ما يجيب غير النكايد = عينه على عورات جاره مخلاه
وضلعه ضعيف ولا بعرفه فوايد = لا يشرف بعرفه ولا في مماشاه
عن المراجل وجهته رون سايد = لو هو بغاها تزين يرجع بعمياه
شعر/ صالح نافل الحربي

منتديات نجوم القنفذة

| القسم الترفيهي والأدبي |

منتدى ينابيع الكسرة و الفنون الشعبية و الألغاز الشعرية و المحاورات

قصيدة والرد عليها

روابــط تهمـــك

روابــط مفيدة

برامج ننصح بها